Agroalimentaria do Eume retoma o funcionamento dos Grupos de Consumidores

Agroalimentaria do Eume retoma o funcionamento dos grupos de consumidores nas comarcas de Ferrolterra, Eume, Ortegal, Betanzos, Mariñas e A Coruña.

A Asociación Agroalimentaria do Eume é unha entidade de tenta impulsar e promover o sector primario da nosa zona, a través da comercialización dos produtos dos seus asociados reducindo o número de intermediarios, para poder ofrecer uns prezos máis xustos aos que producen.

Agroalimentaria do Eume aglutina diversos produtos elaborados, criados ou producidos no noso entorno. Traballamos produtos de horta convencional e ecolóxica, cárnicos da Asociación Monte Forgoselo, lácteos da Cooperativa da Capela, repostería artesanal de As Pontes, conservas, licores e viños, produtos de comercio xusto.... 

Esta páxina actualízase semanalmente en función das disponibilidades, variando principalmente os produtos de tempada. Este listado ampliarase no futuro con outros produtos en función do que suxeran os propios consumidores, tendo prioridade nesta ampliación da oferta en os produtos ecolóxicos e de calidade: aceites, conservas, legumes, cereais, fariñas,…

A folla de excel cos produtos dispoñibles semana enviarase os xoves de cada semana, podéndose enviar os pedidos ata o luns ás 16.00 h. Sempre enviaremos un correo electrónico confirmando a recepción dos pedidos. Os pedidos entregaranse no lugar e hora convidos os mércores e xoves da mesma semana.

Existen dúas posibilidades para formar parte dos grupos de consumidores:

Por unha banda o modo de funcionamento que utilizabamos anteriormente, recibindo semanalmente un correo electrónico que incluira un arquivo de excel cos produtos dispoñibles, e enviando o pedido ao noso correo electrónico. Se os pedidos teñen un importe igual ou superior a 20 €, levámolo a casa ou á direción que se nos indique sen gastos de envío. Se o pedido fose inferior a 20 € aplicaríase un coste de envío de 2 €.

Por outra banda calquera persoa pódese asociar á Agroalimentaria do Eume como consumidor, o que implicaría un compromiso de consumo mensual mínimo de 30 €, formalizado a través dun formulario de inscrición vinculado a domiciliación bancaria, que ten coma vantaxe un desconto do 5 % en todas as súas compras, sendo igual o modo de funcionamento á hora de facer os pedidos.

En calquera dos dous casos, para realizar un pedido hai que cubrir a folla de excel coas cantidades desexadas de produto, gardalo no ordenador e envialo por e-mail a pedidos@agroalimentariadoeume.org. Os pedidos pódense facer tamén por teléfono chamando aos teléfonos 981 440 668 ou 699 556 438. Os pedidos poden ser individuais ou colectivos (resultando así máis doado chegar aos 20 € necesarios para non pagar gastos de envío), indicando que pide cada un dos usuarios do colectivo para diferenciar os produtos á hora preparar os pedidos de maneira individual.

Se queredes ampliar esta información, ou tedes calquera dúbida podedes contactar connosco a través do correo electrónico pedidos@agroalimentariadoeume.org, e dos teléfonos 981 440 668 e no 699 556 438.

Agroalimentaria do Eume abre a súa nova tenda on-line

Despoís de moito traballo por fin abrimos a nosa nova tenda on-line. Unha ferramenta que agardamos sexa máis accesible aos usuarios e desde a que realizaremos envíos a toda a península.

Agroalimentaria Do Eume  é unha asociación sen ánimo de lucro que integra a produtores do sector agroalimentario das comarcas de Eume, Ferrolterra, Betanzos e Ortegal, que pretende dar un impulso ao sector primario deste territorio. Unha das principais vías para apoiar aos produtores do noso entorno céntrase na comercialización directa dos produtos dos nosos asociados, sen intermediarios, mediante a nosa tenda, localizada na Estrada de Castela, 830, en Xuvia (Narón), coa nosa presenza en diversos mercados e feiras que se celebran na comarca e nas proximidades, coa venda a diversos establecementos de restauración, e agora tamén a través da rede, coa tenda on-line www.doeume.com.

Tenda on-line da Agroalimentaria do Eume.

O transporte das mercancías realizarase a través de transporte urxente. A páxina calcula o prezo do envío según dúas modalidades, a primeira sería de transporte urxente, que se utilizará para os produtos que non requiren refrixeración, como as conservas, repostería, viños e licores, e unha segunda de transporte refrixerado para os produtos perecedeiros frescos como a carne, os lácteos e os produtos hortícolas.
Nesta tenda poderás atopar unha selección dos mellores produtos da comarca do Eume, así como produtos de Comercio Xusto:

As carnes das terneiras criadas no Monte Forgoselo, que se poderán adquirir tanto en lotes de 5 ou 10 kg, como escollendo as pezas que máis che apetezan: solombo, chuletas, agulla, croca, xarretes,...

Os diferentes meles da Casa do Mel de Goente, tanto os multiflorais como os monoflorais de breixo, silveira, castiñeiro e eucalipto, produto do traballo das abellas das colmeas dos socios da delegación eumesa da Asociación Galega de Apicultura.

Os queixos e requeixos da Cooperativa Campo Capela, elaborados artesanalmente co leite cru que se recolle diariamente nas explotacións dos socios da cooperativa

A ampla gama de licores de "Meigas Fora", elaborados no concello de Cabanas cos mellores ingredientes, seguindo as receitas tradicionais e coas novidades que introducen na súa carta de produtos con novas elaboracións que sorprenderán a todo o mundo

As marmeladas e licores artesanais de "Arela", elaborados cos pequenos froitos que cultivan na súa finca situada na entrada do Parque Naturas das Fragas do Eume

A repostería artesanal pontesa de "Viuda de Domingo López", os deliciosos manteigados e polvoróns artesanais elaborados en forno de pedra seguindo receitas centenarias.

Proximamente a oferta da nosa tenda ampliarase con produtos de horta ecolóxica de tempada, cultivados por labregos do noso entorno, así como os viños da IXP "Terra de Betanzos", entre os que cabe destacar os elaborados coa variedade Blanco Lexítimo.

Todas aquelas persoas que realicen pedidos superiores a 90 € recibirán como regalo o libro  "Pegadas do Eume", do fotógrafo Vari Caramés, que recolle unha maravillosa ollada aos valores mais destacables da nosa comarca. Unha edición mellorada en canto á calidade de impresión, con tapa dura e un cuaderno sobre os valores turísticos do territorio, que constitúe unha invitación a perderse polo entorno das Fragas do Eume, do LIC Xuvia Castro, disfrutando do patrimonio natural e cultural do entorno.

Permanecede atentos, porque para celebrar esta reapertura da nosa tenda estamos a preparar algunhas promocións que agardamos sexan interesantes para os vosos paladares e tamén para os vosos petos.

II Xornadas da tenreira “Produto do Eume”

Un total de 9 restaurantes das comarcas do Eume e Ferrolterra participan nestas segundas xornadas da tenreira Produto do Eume. Organizadas polas Asociacións Euroeume e Agroalimentaria do Eume, que contan coa colaboración da Deputación da Coruña, as xornadas comezaron o pasado 19 de marzo e extenderanse ata o día 3 de abril. 

As xornadas enmárcanse dentro do programa de promoción que a Asociación Euroeume está a organizar para dar a coñecer a marca de calidade territorial “Produtos do Eume”, para a que recentemente acadou a autorización da Xunta de Galicia, e que ten a intención de amparar ás producións alimentarias de calidade da zona, garantindo e certificando a orixe dos produtos e uns procesos de elaboración en base a uns regulamentos de producción.

O obxectivo destas xornadas é dar a coñecer ao gran público as cualidades dos produtos do Eume, especialmente a carne das tenreiras criadas pola Asociación Monte Forgoselo no espazo protexido Xuvia Castro. Unha carne cunhas características diferenciadoras baseadas nunha crianza en réxime de semiliberdade, cunha alimentación natural, e que son sacrificadas con 11 ou 12 meses de edade, despois de tres meses no cebadeiro da asociación. Antes da súa comercialización a carne pasa por un periodo de maduración mínimo de unha semana. O resultado deste proceso de crianza é unha carne máis tenra, xugosa e saborosa, cunha cor máis escura e cunha infiltración de graxa, similar á do vacún maior.

Casa Toñita (A Capela), CasAlexo (Ferrol), Hotel Chips (Narón), Mesón Os Tres Pes (Narón), O Muiño de Pepe (San Sadurniño), Casa Teresa (As Pontes), Mesón a Granxa (San Sadurniño), Café Bar Yellow (Cabanas) e Restaurante Tortoni (Fene) son os 9 restaurantes participantes. 

Todos eles ofertan de forma habitual esta carne, e para estas xornadas están a engadir nas cartas dos seus establecementos algunhas preparacións especiais. Así CasAlexo ademais da seu clásica Croca a grella con salsa de Oporto, incluirá entre outros pratos un cachopo de pez con queixo da Capela e unhas brochetas de terneira do Eume. O restaurante do Hotel Chips elaborará un rabo estofado de tenreira do eume ao mecía, e falda estofada con pemento choricero e viño tinto. Casa Toñita ofertará aos seus clientes algúns dos platos clásicos da súa carta, como o entrecot, as chuletas e a carne asada. O Muiño de Pepe, ademais das pezas clásicas de plancha, chuleta, entrecot e solomillo, introduce un xarrete de terneira do eume estofada. O Restaurante Tortoni, a súa ben coñecida carne ao caldeiro e chuletas. E a lista continúa cunha ampla variedade de pratos suculentos elaborados con esta carne.

Lotes de Carne do Forgoselo

Agroalimentaria do Eume está a comercializar lotes de carne de terneira do Forgoselo de 5 e 10 kgs. Cada un dos elementos que compoñen estes lotes vai envasado ao vacío, para favorecer a súa conservación.

A carne procede da explotación da Asociación Monte Forgoselo, que cría en extensivo aos terneiros no espazo protexido Xuvia-Castro, onde se coida cada detalle da súa crianza para obter un produto o máis natural posible.

Os terneiros medran en réxime de semiliberdade en zonas de pasto controladas dunhas 80 ha, neste periodo a alimentación basease no leite da nai e nos pastos. Entre os 6 e os 8 meses os animais pasan ao cebadeiro en pequenos grupos. No cebadeiro coidanse moito as condicións de benestar animal, os becerros teñen cama de palla, superficie para moverse e un sistema de alimentación automático a base dun composto de cereais e herba seca.

Alí permanecen durante uns 90 días, ata que cumpren os 11 ou 12 meses. Unha vez sacrificado o animal, antes de proceder a súa comercialización, pasa por un periodo de maduración mínima de unha semana, para favorecer a calidade do produto final.

O resultado deste proceso de crianza é unha carne máis tenra, xugosa e saborosa, cunha cor máis escura e cunha infiltración de graxa, similar á do vacún maior.

De momento, ata que se poña en funcionamento a tenda online da agroalimentaria, os pedidos entregaranse a domicilio só nas comarcas de Ferrolterra, Eume e Ortegal. 

As persoas interesadas poden solicitar información ou realizar os seus pedidos a través dos teléfonos 981 440668 e do 881 951366, ou ben a través do correo electrónico pedidos@agroalimentariadoeume.org

Cestas e lotes con sabor á nosa terra

Un ano máis Agroalimentaria do Eume ofrece este nadal a oportunidade de regalar lotes de produtos da nosa terra. Unha boa maneira para felicitar ou mostrar o noso afecto a amigos, familiares, clientes ou colaboradores, que de seguro atoparán unha satisfacción nestes lotes de cousas ricas, que alegran e alimentan.

 

Os lotes que compoñen o catálogo da Agroalimentaria teñen un amplo rango de prezos a partir dos 30 €, en función do que un quera gastar, ofrecéndose a posibilidade de compoñer o lote ao gusto do consumidor: Repostería artesanal, doces de comercio xusto, mel das Fragas do Eume, licores, viños da terra de Betanzos, queixos e lacteos, embutidos de porco celta, conservas e outras delicias elaboradas na nosa terra compoñen estes lotes que a bo seguro agradecerán os teus achegados.

Coto Micolóxico do Forgoselo

Nos últimos tempos apareceu en Galicia unha nova figura, descoñecida e temida por moitos: o Coto Micolóxico. A creación dun coto micolóxico para o aproveitamento e conservación deste recurso é unha vella aspiración da Asociación de veciños do Forgoselo, co obxectivo de acadar unha xestión integral do monte Forgoselo, un espazo protexido no que se realiza un aproveitamento gandeiro, forestal, e agora tamén micolóxico.

A Asociación de veciños do Forgoselo, concederá permisos diarios para o aproveitamento micolóxico do monte. Dita autorización concédese para o día solicitado e coa limitación de 2 Kg, tal e como recolle o Decreto de Aproveitamentos. Para acceder ás autorizacións é preciso poñerse en contacto coa Asc. de Veciños do Monte Forgoselo, o telf. do presidente é o 616080628.

Ata o ano 2012 os cogumelos eran un ben accesorio do monte, dado que ninguén a cultivaba, e sempre que o monte non estivese pechado, calquera podía acceder ao monte e apañar cantos cogumelos quixera. Esto cambiou cando a Xunta de Galicia publicou a nova lei de montes, establecendo o marco de aplicación para o Decreto 50/2014.

Os cogumelos, un froito da natureza antano desprestixiado na nosa terra, convertíronse nos últimos tempos nun delicioso tesouro que cada ano conta con máis adeptos. O constante incremento do número de persoas que van ao monte para apañar cogumelos e as demandas dos propietarios dos montes de xestión privada, levaron á Xunta de Galicia a regular o aproveitamento micolóxico no Decreto 54/2014, do 10 de abril. no que establece un conxunto de medidas orientadas a garantir a conservación e renovación deste recurso natural e a establecer as normas de convivencia entre os recolectores e os propietarios dos montes.

Este Decreto, no artículo 44, establece dous tipos de aproveitamentos, un de consumo propio, para o consumo doméstico, que marca un límite de recollida de 2 kg por especie e día, e un segundo de aproveitamento comercial. En xeral, os aproveitamentos para consumo propio son de libre recollida, agás nos casos en que os titulares do monte regulen o coutamento do seu aproveitamento, como sucede no Forgoselo. No caso de existir un coutamento calquera que pretenda realizar ir ao monte a apañar uns cogumelos deberá contar cun permiso dos titulares do monte, tal e como establece o artigo 46 do Decreto. Neste mesmo artigo indícase que as persoas que dispoñan da citada autorización deberán levala consigo no momento de realizar o aproveitamento. Nesta autorización deberá constar, como mínimo, a súa vixencia, o nome do monte ou terreo forestal, os datos identificativos da persoa á que se lle concede o permiso e os datos identificativos e a sinatura da persoa que o otorga.

No artigo 47 do Decreto establécese a obriga, por parte da entidade xestora do monte, de coutar e sinalizar os montes e terreos que presenten prohibicións ou restricións con respecto aos aproveitamentos micolóxicos. Con esta finalidade, empregaranse sinais claros e facilmente visibles coa seguinte inscrición en letras maiúsculas «Aproveitamento micolóxico restrinxido. Prohibida a recolla de cogomelos sen autorización da persoa propietaria ou xestora». Estes sinais deberán estar situados no recinto coutado e nos accesos principais ao monte.

Máis de 20 restaurantes participan nas I Xornadas do Lacón con Grelos do Eume

Levaranse a cabo durante todo o mes de febreiro e están organizadas polo xornal Pegadas, Agroalimentaria do Eume e EumeTurismo

Un total de 22 restaurantes da zona únense para participar nas I Xornadas do Lacón con Grelos, organizadas por Agroalimentaria do Eume, EumeTurismo e o xornal Pegadas, publicación que edita a Asociación EuroEume.

Grazas a esta iniciativa, durante todo o mes de febreiro, en calquera destes locais hostaleiros poderase degustar o xantar típico do Antroido galego, o lacón con grelos.

Participan nestas xornadas: Cantina Casa Capellán (Monfero), Cantina O Francés (Monfero), Restaurante Andarubel (Pontedeume), Casa Rafael (Monfero), Cantina Casa Pepe (A Capela), Casa Toñita (A Capela), Casa Teresa (As Pontes), Mesón A Lareira (Cabanas), Mesón A Granxa (San Sadurniño), Casa Peizás (A Capela), Hotel Fraga do Eume (A Capela), Mesón O Martínez (As Pontes), Cinco Jotas (As Pontes), Casa Díaz (As Pontes), O Bar de Xota (As Pontes), O Encontro (Xermade), Restaurante Taybe (As Pontes), Mesón de Pepe (As Pontes), Restaurante Ana (As Pontes), O Pote (Narón), Mesón de Tony (Neda) e Restaurante Espíritu Santo (Sada).



Así mesmo, nun ano marcado pola escaseza desta hortaliza debido ás condicións meteorolóxicas, Agroalimentaria do Eume ofrece a posibilidade de mercar grelos da zona a través da súa páxina web www.agroalimentariadoeume.org. Son precisamente estes grelos do Eume acompañados de lacón, pero de lacón de porco celta, os que formarán parte do menú que se sirva no restaurante Andarubel situado na estrada que une Ombre con Caaveiro, a carón do Centro de Recepción de Visitantes do Parque Natural das Fragas do Eume.